Mahatma Gandhi asoba anogomung nung pa nem akhüm agütsü

Mahatma Gandhi asoba anogomung nung pa nem akhüm agütsü

Delhi, October 02, 2015: Hokolbar nü New Delhi, Rajhat nung linük tebudi, Mahatma Gandhi asoba 146bubamung nü Tir, Pranab Mukherjee-i Mahatma Gandhi Samadhi nung naro tokja akhüm agütsüba noksa nung angur.

 New Delhi, October 02 (Agencies): Tanü New Delhi, Rajghat memorial nung linük tebudi, Mahatma Gandhi asoba 146buba anogomung nung Tir Pranab Mukherjee, tatong Tir Hamid Ansari, Congress Tir Sonia Gandhi aser Ato kilonser Narendra Modi nungeri asür nem akhüm agütsüogo.

Tanü Hokolbar nü alima tesem ajaklen India nunger Gandhi asoba 146buba mung mungogo. Iba den külemi October 2 ya ‘International Day of Non-Violence’ amunger.

Tanü Congress lenir Sonia Gandhi-i Raj Ghat nung asür nem naro toktsüba den külemi akhüm agütsüogo. La den taoba Delhi chief minister Sheila Dikshit aser Congress lenir lenir Ghulam Nabi Azad nata liasü.

Tanü Ato kilonser Modi-i asür nem akhüm agütsüba den külemi ‘Swachh Bharat’ atema nenshia jembiogo. Modi den BJP lenir LK Advani, Union Urban Development Minister M Venkaiah Naidu aser minister kar densema liasü.

Mahatma Gandhi-i merükmejua alitsü sayuba nung ajemdaker tanü iba anogomung nung twitter ajanga Modi-i, “Merükmejuba ya Mahatma Gandhi atema kanga tongtibang nükjidong ka liasü. Asenoki ‘Swachh Bharat’ atema maneni inyakdi aser ibaji ajanga asen tebu nükjidong ataloktsüdi. Merükmejuba India ajanga asen linük nung terenlok alitsü aser sensakertem ajangzüktsü,” ta ashi.

You must be logged in to post a comment Login