Mahatma Gandhi indang film ayutsü

Dimapur, October 1 (TYO): October 2, 2019 nikongtsütsü 2:00 ako nung State Academy hall, Kohima nung Mahatma Gandhi indang taküm otsü nung ajemdaker yangluba film ka sayutsü.
Iba sentong ya Department of Information and Public Relations-i ayonga inyaker.
Ano, kasa anogo Gandhi Jayanti tenüng nung anepdang 6:00 nungi Department of Youth Resources & Sports-i PHQ junction nungi Local Ground, Kohima tashi marathon asemtsü ayongzüka lir.
Dimapur nunga District Public Relation Officer Office Dimapur-i Dimapur City Tower lenjem aser Railway station nung short films/documentaries sayutsü.
Iba sentong ya nikongtsütsü 5:30 ako nungi tenzüktsü aser Mahatma Gandhi indang film den külemi “Are You Aware” ta ser plastic awareness documentary ka sayutsü.