Mahesh Bhatt par kibong den Maldives nung südoksünemdar

Male, December 11, 2016 : Film yanglur Mahesh Bhatt, pa kinungtsü Soni Razdan, jala Alia aser Shaheen Bhatt nunger südoksünema amungtsü atema Maldives nung oa lir.
Mahesh-i Deobarnü parnok tayimtsü anenba tesem ka nungi par kibong noksa ka lemsatepogo.
“Senti oset kechisarena tang nungia kibong külemi mapang intokbasa sentiba! Ozü kibong Maldives nung südoksünemi aoer,” ta pai noksa teküboklen zülua lir.
Arishi küm 68 tain, film yanglur, Mahesh-i “Jism”, “Murder” aser “Sadak” film tem yanglua lir aser paisa ano par jalatem tayimtsü nung mener aliba noksa-a ka lemsatepogo.
“Ozü kibong sodi aoer. Anogo ananü shi mapa kecha meinyaktsü,” ta iba noksa teküboklen zülua lir.
Actress Alia ya tang “Badrinath Ki Dulhania” film tetangokdak lir saka lar kibong den külemi südoksünema amungtsü mechi nung sodi agi.
Shashank Khaitan-i direct asüba film ya 2014 küm sayaba “Humpty Sharma Ki Dulhania” indang tanabuba shilem lir. “Badrinath Ki Dulhania” film ya Karan Johar indang Dharma Productions-i produce asü.