Mahila Congress-i Shillong nung lungkak ait

January 16, 2019 nü Meghalaya Mahila Congress  züngsemtemi Citizenship Bill anema lungkak aitba sentong ka agidang tangokba noksa angur. 

Shillong, January 16 (Agencies): Bodbarnü Meghalaya Mahila Congress-i Shillong nung Citizenship Amendment Bill, 2016 anema lungkak aita jajaba sentong ka ayonga agi.
Congress nung tetsür züngsemtemi Congress Bhavan nungi Khyndai Lad (Police Bazar) tashi Citizenship Bill anema tezülubatem amer jaja.
Mahila Congress züngsemtemi Prime Minister Narendra Modi aser BJP anema yimyimtem ayim.
“Bill meyipa magi tashi onoki lungkak aittsü” ta Mahila Congress president Joplyn Scott Shylla-i ashi.
Chief Minister, Conrad K Sangma-i anir Meghalaya Democratic Alliance (MDA) nugi teshimtet telok ka New Delhi nung oa Prime Minister, Narendra Modi aser Union Home Minister, Rajnath Singh na den ajuruteptsü lia opposition Congress nung tetsürtemi lungkak aitogo.
Meghalaya nung Confederation of Hynniewtrep Social Organisation (CoHSO) dena yimtenren telok aikati Bill anema noktaker aser Centre-i meyipa magi tashi lungkak aittsü ta metetdaktsüogo.