Mahindra Bolero temaba jenjang 10 rongnung züngoksemogo

Metsüremi 22, 2018 (Agencies): Mahindra & Mahindra’s utility vehicle Bolero linük nung gari tajungtiba ayonba rongnung temaba jenjang ter nung züngoksemogo, koba Maruti Suzuki India puri amokbanger lir aser Tsüklai (February) temaba jenjang 10 nung parnok indang gari trok züngoksema lir.
Küm ana tsüngda nung tang mezüngbuba Bolero ya temaba jenjang 10 rongnung züngoksemogo. Taoba ita Bolero gari unit 8,001 yoka liasü aser parnok jenjang 10buba nung lir.
Taoba küm Tsüklai (February) nung Bolero gari 6,442 yokteta liasü, ta Society of Indian Automobile Manufacturers (SIAM) data ajanga sayuogo. Kasa ita 2016 küm Bolero, PV model tem rongnung jenjang 9buba nung liasü.
SIAM data ajanga ashiba agi, Maruti Suzuki India’s (MSI) indang gari Alto temaba jenjang nung lir. Iba gari ya Tsüklai (February) nung 19,760 ayok, koba taoba küm kasa ita gari 19,524 yoka liasü.
Maneni Maruti Suzuki pur indang garisa compact sedan Dzire Tsüklai (February) unit 17,784 yoka tanabuba jenjang nung lir, koba taoba küm 16,613 unit yoka liasü. Swift tasenba tasembuba jenjang nung lir, iba gari ya unit 17,291 yokogo. Taoba küm iba model ya kasa ita unit 12,862 yoka liasü.
MSI premium hatchback Baleno jenjang pezübubai aseta atuogo. Taoba küm iba gari ya unit 7,658 yoka liasü koba takümbo unit 15,807 yokogo.
Jenjang pongububa Wagon R lir aser iba gari ya Tsüklai unit 14,029 yokogo. Iba gari ya taoba küm kasa ita nung unit 13,555 yoka tasembuba jenjang nung liasü.
Hyundai indang Elite i20 jenjang trokbuba nung lir aser taoba ita iba gari unit 13,378 ayok. Kasa mapang nung Maruti indangsa compact SUV Vitara Brezza unit 11,620 yoka jenjang tenetbuba nung lir.
Maneni Hyundai indangsa compact hatchback Grand i10 jenjang tibuba nung lir. Iba gari ya unit 10,198 ayok aser Hyundai SUV Creta unit 9,278 yoka tekububa nung lir.
Maruti Celerio aser Renault Kwid temaba jenjang 10 metongtet. Iba gari ana ya 2017 kümbo PV list temaba jenjang ter rongnung züngoksema liasü.