Mahindra-i KUV100 Sub-Compact SUV sangküm January ita sayatsü

New Delhi, December 18 (Agencies): Mahindra teloki taoba mapang S101 ta ajaba Mahindra KUV100 sub-compact Sports Utility Vehicle (SUV) gari taruba 2016 küm January ita 15 nü India nung sayatsü sentong renema lir.
Iba gari ya asüng, Honibar nü nungi tenzüka mapang jelia alizüktsü maparen tenzüktettsü.
Mahindra teloki Mahindra KUV100 gari indang brand ambassador inyaktsü asoshi Bollywood actor, Varun Dhawan-a anioksema lir.
India nütsüng yongsük noklang nung shilem 60 shi densemba arishi küm 30 ser tekübokpur puatsü nükjidong nung Mahindra teloki Mahindra KUV100 gari ya yanglua lir.
‘Kool Utility Vehicle’ tatsüba küma KUV ta ajaba gari ya SUV garitem ama tereprangtsü yanglua lir aser teküboktiba jenjang nungi tenzüka Anti-Braking System (ABS) enoksemba  gari ya sentsü 7 nung angutsü.
Iba gari nung mFalcon ta ajaba petrol aser diesel engine tasenba mesenloka lir aser gari indang tashi 82bhp alitsü.
Petrol aser Diesel engine mesenlokba gari anaprongla nung manual gearbox inoksema lir.
Mahindra teloki tanü tashi nung gari tasenba nung Automated Manual Transmission (ATM) mesenloktsütsü sentong renema mali.