Mahindra-i sen lakh 3.45 jenjang minivan saya

Mumbai, July 13 (Agencies): India nung Mahindra & Mahindra ajanga nisung aser khu abentsü asoshi sen lakh 3.45 (ex-showroom, Mumbai, BS IV diesel) jenjang Jeeto Minivan gari sayaogo. Iba gari ya diesel, petrol aser CNG engine nung angutsü, ta company ajanga ashi. Iba gari temang ya tabu ana nung angutsü – hard top aser semi-hard top – aser iba gari ya jila aser yimtsüngtem nung amshitsü tajung, ta company ajanga ashi.
“Nüburtem nüngdakba ajiteta onoki Jeeto Minivan ya yangluogo. Iba gari ajanga nisungtem aser khu belenba nung tajangzük angütsütsü aser iba gari nung amenertem kümzüka senzütettsü imlar,” ta Mahindra & Mahindra Automotive Sector nung tir, Rajan Wadhera-i iba gari sayaba mapang ashi.
Jeeto Minivan semi-hard top diesel engine indang gari ya mezüng saya-a shishilembadak ayoktsü. Ita ana sülen hard top CNG aser diesel engine, semi hard top CNG aser petrol engina sayatsü. Jeeto Minivan gari nung BS IV emission compliant engine den 16 HP tashi keta lir.