Mahindra-i Yezdi motorcycle indang website tanaben lapok

July 22, 2017 (Agencies): Taoba küm Mahindra ajanga motorcycle tejen, Yezdi indang company alizükba sülen India nung motorcycle saburtem asoshi tiemla tasen ka ngutet.
Iba motorcycle ya mapang talangka melie lenmang nung angutsü aser Mahindra-i iba brand indang website lapokogo. Iba website nung Yezdi indang otsü aser noksa tejentem sayua lir.
1970s aser 80s mapang amshiba Yezdi ya tanaben India nung yanglua ayoktsü asoshi iba ‘The Yezdi’ project ya tenzük.
Iba website nung Yezdi JAWA model atema section balaka lemzükja lir.
Yezdi indang motorcycle ya 250cc Roadking aser Monarch, 248.5cc indang Clasic, Delux aser CL II aser Yezdi 175 amala model yanglua ayok.
Mahindra Group indang CEO, Anand Mahindra ajanga iba website tasenba ya twitter nung agüja lir.
Taruba küm Auto Expo nung Mahindra ajanga Yezdi ya Pithampur facility nung yanglur sayutsü imlar.