Majakong ward nem pick-up gari agütsü

Mokokchung, April 22 (TYO): Swach Bharat Mission mapatong kübok jana bendena indoktsü atema Majakong ward Mokokchung nem agütsüba pick-up gari ka Honibarnü SBM Mokokchung District Chairman Wb. M.B. Longkumer ajanga tenzüktsüogo. Iba gariji deacon Wb. Takameren-isarasadema meshitettsü.
Tanü iba pick-up gariji amshi tenzüka Majakong ward yimdeni anir Ward Sanitation Committee den yaritepa temulungertemi tesem balala nungi jana-ona bendena indoka liasü.
Iba sentong nung SBM chairman, M.B Longkumer-i jembidang, Mokokchung town ya Nagaland nung temerüktiba ta nüburtemi jembir, aji oda tang dang nungi tajungba akümtsü asoshi senso ajaki khuret süa bilemtsüla aser nübur teyaritep ajanga dang iba maparen ya takok ngutettsü, ta ashi.
“Merükmejuba indang jembibaji tongtibangba masü saka na aser ni nungi merükmejuji tenzüktsüla”, ta paisa ayongzüka liasü.