Malala Yousafzai-i ni ajungmeso : Salma Hayek

Malala Yousafzai-alma HayekSeptember 01, 2015: Frida film nung tongti shilem agila, actress Salma Hayek-i arishi küm 48 activist, Malala Yousafzai den ajurutepa jembiba mapang la shisatsü kanga ajungmeso aser Instagram ajanga tena ajurutepba noksa lemsatepa liasü.

Hayek-i instagram nung Yousafzai o lar tsüraburtem den tangokba noksa enoktsü aser iba noksa nung lai, “Malala Yousafzai den tangokba noksa.. shiba alima asoshi milen aser ni ajungmesor rongnung ka lir. Tebu Ziauddin Yousafzai-a nisung kangasa tajung aser pa ni asoshi hero ka lir. Nai par kibong ya memetetka asünunga parnoki alima nisung ajak kaketshisatsü agutsü temeten atema mapa tulu inyakba metettsü merangang,” ta zülua lir.

Kaket shisatsü nüngdakba ola adoka jembiba atema 2012 küm Taliban züngsem kati tekolak nung prangpong agi akahba sülen Yousafzai ya alima ajaki meteta aküm. Lai dak injang kahlokjaka la mesüi kümzük aser iba sülen lai alima rangben nung tetsürtem temeten asoshi iyaktsü tenzüka liasü.

2014 küm Malala-i ‘Nobel Prize’ ngua liasü aser tang tashi nung alima nung iba senpet angur rongnung la tanutsütila lir.

You must be logged in to post a comment Login