Malayalam film director Rajesh Pillai-i süogo

Kochi, February 27, 2016 : Malayalam film yanglur, Rajesh Pillai arishi küm 41 nung Honibarnü süogo, ta pa den tesendaktep tajung alir osang ka ajanga metetdaktsü.
“Pa anepdang 11:00 ako nung PVS Hospital nung asü,” ta kasa osang ajanga IANS dang ashi.
Pa ita ishika mozükidang mapang shia monga liasü.
“Pa yashi, Hokolbarnü nungi tasü taküm tsüngda liasü. Pa temesen ‘cirrhosis’ tashidak agi kangshiba ajanga temesen melentsü liasü, ajisüaka pai tan tatemsa yangluba aser cinema nung taoba Hokolbarnü sayaba ‘Vettah’ film tangokzüker külenang melentsü ta lia ibai atalok,” ta osang ajangasa ashi.
“Vettah” film atema tatembang ‘sound mixing’ asüba mapang pa pneumonia tera süsemba ajanga temang tamajungba aküm.
Rajesh akümlidang pai film pongu tashi direct süogo. Pai direct asüba film rongnung “Mili” aser “Traffic” film na nüburtem ajaki kanga sapua liasü aser tesülen Tamil o Hindi oshitem nunga yanglushi.