Malaysia Masters: Sindhu o Srikanth na quarterfinal asayatsü

Penang, January 21 (Agencies): India’er badminton asayar mongin, PV Sindhu aser Kidambi Srikanth nati par quarterfinal asaya nung takok ngua tang tasayadak Malaysia Masters Grand Prix Gold asayamong tetsür aser tebur singles quarterfinal asayatsü jenjang tanü Brehostibar nü nguogo.
Toaba mapang World Championship bronze medal 2 tashi agizükla, Sindhu-i points 21-13 13-21 21-14 agi Japan tsür, Kaori Imabeppu madak takok ngua quarterfinal asayatsü jenjangji angu.
Tan asayamong nung 3 buba jenjang abenla, Sindhu-i Indonesia tsür, Lindaweni Fanetri den quarterfinal asayatsü.
Tebur World No. 9, Srikanth-ia tanü points 21-17 21-10 ngua 16 buba jenjang nung alir, Thailand nunger Boonsak Ponsana tsükdaktsüba sülen China nunger Huang Yuxiang den quarterfinal asayatsü lemzükogo.
Tan asayamong nung 10 buba jenjang abener, Ajay Jayaram-ia points 11-21 21-8 22-20 ngua Malaysia nunger Zulfadli Zulkiffli tsükdaktsüba sülen Malaysia nunger Lee Chon Wei aser Singapore nunger Zi Liang Derek Wong na rong nung ka den quarterfinal nung ajuruteptsü.
Ajisüaka, India’er tetsür doubles asayar, Jwala Gutta o Ashwini Ponappa nati tanü points 14-21 17-21 ngua Japan tsür, Shizuka Matsuo o Mami Naito na nem kokdaktsüba yong tenati tan asayamong nung joko shilem magitsüsüsa jenjang tamajung ajuruogo.