Malaysia nüburtemi Razak Ato Kilonser menden toktsütsü akhanger

Kuala Lumpur, August 29 (Agencies): Malaysia Ato Kilonser, Najib Razak yimsüsütsü menden nungi anentsü takhangba benoka par nüburtemi Kuala Lumpur yimti nung tanü, Honibar nü nungi tenzüka anogo 2 agia longkak aittsü tenzükogo.
Razak-i sorkari ketdang asüba 1MDB senpong nungi dollar sen million 700 tashi ozüng alema agizüka agiba osang bushitetba sülen Malaysia nung tentetba tongti telok, Bersih-i par lenisang yimsüsütsü menden nungi anentsü takhangba benoktsü tenzüka lir.
Ajisüaka, sorkari Bersih’er website nokdangba den külemi, Kuala Lumpur kübok Independence Square nung ayongba longkak aittsü sentongji ozüng alema inyaker ta metetdaktsüogo.
Ano külen, “Ni agizükba senji Middle East-i kü nem tenla agütsüba lir,” ta shia, Razak-ia pa anema benokba ochimashi ken o nung pai aibelena maliba olen ka metetdaktsüogo.
Razak-i pa anema benokba ken o bushisüngdangba attorney general-a mapa nungi anentsüba oang bushiteta lir.