Malaysia Open: Saina-i tamakok ajuruogo

Shah Alam, April 09 (Agencies): India’er tetsür badminton asayar, Saina Nehwal-i tamakok ajurua tang tasayadak Malaysia Open Super Series badminton asayamong nung joko shilem magitettsüsa jenjang tamajung tanü, Honibar nü ajuruogo.
Chinese Taipei tsür, Tai Tzu Ying-i tanü points 21-19 21-13 ngua Saina tetsür semifinal asaya nung tsükdaktsü.
Tan takok anguba ya tetsür World No. 9, Tzu-i Saina den 12 ben tashi ajurutepa asayadang 7 ben tashi takok angur lir.
Swiss Open Grand Prix Gold aser India Open Super Series na densema, tetsür World No. 8, Saina-i tan agi asayamong 3 tashi indang semfinal asaya nung atonga tamakok ajurur lir.
Tan tamakok anguba sülen Saina-i tan April ita 12 nü nungi tenzüka asayatsü ayongba Singapore Open nunga maneni toktepa shilem agitsü renemba osang angazükgo.
Ano külen, Malaysia nunger Lee Chong Wei-i Denmark nunger Jan O Jorgensen madak takok ngua tebur singles final asayatsü jenjang tanü ajangzükogo.
Tebur World No. 4, Lee-i tanü minute 35 nung points 21-7, 21-14 ngua Jorgensen tsükdaktsüba sülen China nunger World No.1, Chen Long den asüng, Deobar nü final asayatsü jenjang nguogo.
Chong-ia points 8-21, 21-19, 21-14 ngua Indonesia nunger Jonatan Christie tsükdakja final asayatsü jenjang angu.