Malaysia Open: Saina o Sindhu na quarterfinal-i iogo

Shah Alam, April 07 (Agencies): India’er tetsür badminton asayar, Saina Nehwal aser PV Sindhu nati pei asaya koka tang tasayadak Malaysia Open Super Series Premier badminton asayamong tetsür singles shilem indang quarterfinal asayatsü jenjang tanü, Brehostibar nü ajangzükogo.
Taoba mapang World Championship bronze medal anaben tashi agizükla, Sindhu-i tanü minute 47 nung points 22-20, 21-17 ngua Korea tsür, Sung Ji Hyun madak takok angu.
Arishi küm 20 tain Sindhu-i taoba World Champion, Thailand tsür, Ratchanok Intanon den quarterfinal asayatsü lemzükogo.
Tetsür World No. 8, Saina-ia minute 30 shi nung points 21-10, 21-16 agi Korea tsürsa, Bae Yeon Ju tsükdakja quarterfinal-i ai.
Olympic bronze medallist, Saina-i All England champion, Japan tsür, Nozomi Okuhara madak points 21-12 22-20 agi takok angula, Thailand tsür, Porntip Buranaprasertsuk den quarterfinal asayatsü lemzüka lir.
Chinese Taipei tsür, Tai Tzu Ying-ia points 14-21 21-18 21-1 agi China tsür, Li Xuerui madak takok ngua liasü.
Ano, World No. 1, Spain tsür, Carolina Marin aser China tsür, Wang Shixian aser Wang Yihan  nungera quarterfinal-i aiba osang jangjaogo.
Tebur singles shilem nunga, India Open champion, Japan nunger Kento Momota-i walkover yimya agi England nunger Rajiv Ouseph koka quarterfinal atongba osang angazükogo.
Malaysia nunger Lee Chong Wei; China nunger Lin Dan; Denmark nunger Viktor Axelsen aser Jan O Jorgensen nungeria takok ngua quarterfinal asayatsü jenjang ngua lir.