Malaysia PM, Razak ochimashi ken o nung metenogo

Kuala Lumpur, January 26 (Agencies): Malaysia Attorney General, Mohamed Apandi-i Malaysia Ato Kilonser, Najib Razak ochimashi ken o nung tanü Mongolbar metentsüogo.
Dollar sen million 81 shi Razak’er bank senpong nung inokba osang angazükba sülen Razak anema ochimashi ken o okadak benoka liasü.
“Dollar sen million 81-ji Saudi chuba’er kibongi Razak nem teyari sen ama 2013 küm agütsüba kuli tejangja bushitetogo. Razak-i teyari senji magimaba yong tanüngba dollar sen million 60-bo Saudi’er chuba kibong nem meyiptsüba kulia nguogo,” ta Apandi-i osang jangjashitsü.
“Razak nem agütsüba senji süpokrem sen mesüra iba amala ozüng alemba ochimashi sen masü ta kuli bushitetogo. Anungji, Razak-i aibelena meinyak ta pa metentsür,” ta pai shisem.
Ajisüaka, Saudi’er chuba kibongi iba teyari senji kechi mechi agütsü aser Razak-i kechi inyakdang sen million 61 shiji amshi iba osang tejangjabo pai memetetdaktsü.
Razak-i ozüng alema sorkari ketdang asüba 1Malaysia Development Berhad senpong nungi sen agi ta bilema Malaysian Anti-Corruption Commission-i pa küm 1 shi bushisüngdangba sülen Razak tan metener lir.

You must be logged in to post a comment Login