Male, February 17 (Agencies): Maldives nung tentetba okadak kati Islamist opposition telok lenir ka tepuokdak küm 12 tashi puoka merenshitsü obendang yashi, Mongolbar nü agütsüogo.
Democracy yimsüsütsü yimya benshia shimba mezüngbuba Maldives Tir, Mohamed Nasheed tepuokdak puoka merenshiba maparen anemdang kiralongratsü merangba ken o nung aitsüba sülen okadaki Sheikh Imran Abdulla yashi merenshiogo.
Tashishitsü akettsüsa Nasheed Tir menden nungi tashiyim agi 2012 küm atsüngdokba sülen Maldives indang yimtenren tensa kanga mejungi küma lir.
O bendanger ka tashiyim agi aputsü ozüng agütsüba ken o nung ajemdaker Nasheed yaküm, 2015 küm March ita pua pa anema benokba kiralongratsü ken o angadangba sülen pa nem tepuokdak küm 13 tashi puoka ayutsü temerenshi agütsü.
Ajisüaka, bendang linük lenirtemi ajungmesoba sülen Tir Abdulla Yameen-i aniba Maldives sorkari Nasheed taoba Janaury ita tepuokdak nungi chioka pa taneptsü bushitsü asoshi London-i aotsü mela liasü.
Nasheed chiyok aka, okadaki Islamist Adhaalath Party lenisang, Abdulla-bo tepuokdak küm 12 tashi puoka ayutsü o bendang agütsüogo.
Maldives opposition lenisang tepuokdaki yoka merenshir added by asungba on
View all posts by asungba →
You must be logged in to post a comment Login