Male nung tetsübutsü aketba oset ka angu

Male, November 05 (Agencies): Maldives yimtiba Male anülulen tsütsü security temi Brihostibar nü tetsübutsü aketba oset ka nguteta lir. Iba oset ya tapoktsü dang mesük, ta media-i ashi.

Iba oset ya New Harbour aser Ameenee Magu na ajurutepba lenjem nungi ngutet, ta Xinhua news agency ajanga metetdaktsü.

Ibai anguba sülen iba tesem nung security tashi itshiogo. Iba oset ajanga lendong agütsütsü tsübuba agi police-i iba tesem anasa alirtem ajak tesem tangaleni yokogo.

Tir ki anasa tapoktsü oset ka anguba sülen anogo ana nü dang lir tan iba oset ya angurba lir.

Maldives ya lendong tesem ta Bodhbar nü sangdongogo.