Mali Hotel amakba lendong nung India-America tsür ka asü

Delhi/Washington, Nov. 21 (Agencies): Yashi Islamic kiralongrartemi Mali yimtiba Bamako nung hotel amakdang asür 27 rongnung India-America tsür ka densema lir.

Arishi küm 41 Anita Ashok Datary ya US senso liasü aser yashi amakba lendong nunga la süogo, ta State Department otongdar John Kirby-i ashi.

Anita Dater ya Washington DC tezülen aliba Maryland, Takoma Park nung telitak liasü. La Massachusetts nung aso aser northern New Jersey nung intet.

Lai Columbia University’s Joseph Mailman School of Public Health aser School of International & Public Affairs na nungi MPH aser MPA degree ngua liasü.

La Senegal nung küm ana tashi Peace Corps (1997-1999) nung inyak aser mapang timbaka global health & international development atema tenzüka aruogo.

Yashi Jihadist kiralongrartemi Bamako nung Radisson Blu hotel amakba lendong nung nisung 27 tashi tepset. Iba hotel telung nungjagi India nungera nisung 20 tashi kümzüka liasü.