Mali nung UN Peacekeeper ka tepset; 8 yiru

Bamako, October 4 (Agencies) : Mali anüdoklentip tsütsü United Nations peacekeeping mission indang tesep ka amakdang Chad nungi sepai ka asü aser ti yirua lir ta UN ketdangsertemi metetdaktsü.
UN peacekeeping mission atema otongdar Olivier Salgado-i ashiba agi, Aguelhok nung aliba camp nung mortar amshia amak.
Aguelhok nung UN personnel tem pezüben amak aser iba mapang Chad nungi sepai ka asü aser 8 yiru, ta otongdarisa shisem.
Iba amakba atema telok shiangaia tenüng agiba osang mesangoktsü lir.
Secretary-General Ban Ki-moon-i iba mapa kukua aitsüogo aser aibelenertem aputsü atema tetuyuba agütsüogo. UN peacekeepers amakbaji international law kübok war crime lir, ta pai metetdaktsü.
2012 küm Islamic extremist temi Mali anüdoklentip tsütsü makdok. Iba sülen France-i anir linük balalai 2013 küm Islamic telungpurtemji yimti aser jilatem nungi meindok.
Ajisüaka, Mali anüdoklen aser tiyongtsülen tensa mejungi lir aser iba tesem nung al-Qaida aser Islamic Maghreb teloktemi peacekeepers aser security forces mapang shia amaker.