Malinga-i World T20 nung shilem magitetsüsa akümer

Mumbai, March 18 (Agencies): Lasith Malinga yiruba ajanga par Sri Lanka teloki tang tasayadak World Twenty20 (T20) cricket asayamong takok marok agizüktsüren nung tetsükdakba tulu ka ajurushiba osang ka Sri Lanka teloki tanü, Hokolbar nü metetdaktsüogo.

Malinga temokok yirua tan asayamong nung shilem magitettsüsa akümba sülen külem asayar, Angelo Mathews-i Malinga melenzüka Sri Lanka captain menden benoka lir.

 “Malinga temokok taoba mapang yirua liasü  aser yashi Afghanistan den T20 asaya asayaba jakdang kasaji tanaben sütetba yong pai yashi asayaba Super 10 tetenzükba asaya nunga shilem magiteti süidaktsü,” ta Sri Lanka telok otongdari osang jangjashitsü.

Arishi küm 32 tain Malinga-i tanü nikongtsütsülen tayimtsü nung mener par Sri Lanka bushia aoba osanga jangjaogo.

Sri Lanka teloki 2012 champions, West Indies den Group One tanabuba asaya India kübok Bangalore nung tan Deobar nü asayatsü lemzüka lir.