Mallya anema red-corner notice agütsütsü atema ED-i benokogo

New Delhi, May 13 (Agencies): UK-i India ket nung shishilembar tetsüti, Vijay Mallya magütsütettsü ta metetdaktsüba sülen Enforcement Directorate (ED)-i Interpol dang Mallya  anema red corner notice (RCN) agütsütsü atema mepishiogo.
India nung Interpol nodal agency, CBI-i ED-i mepishibaji benokogo. Mallya anema RCN temepishibaji agizükra linük 190 nung aliba enforcement agency temi par linük nung nisungbaji aputsü akok. ED-i kuli agütsüba nung ajemdaker Interpol-i Mallya anema RCN benoktsü asü mebenoktsü’ar ashitsü makok, kechiyong yaküm küm-a Lalit Modi anema kasa temepishiba agüja liasü ajisüaka magizük.
India nung bank balala dang sen crore 9,000 dak tema apoba ken o nung Mallya nem tai tonglokja lir. Mallya taküm March 2 nü London-i ao aser tang pa asemben amentepa yangluba ki ka nung lidar, ta osang angazüker.