Mallya-i Bank tem nem sen cr. 4000 agütsütsü SC dang mepishiogo

New Delhi, March 30 (Agencies): Shishilembar tetsüdi, Vijay Mallya-i tanü Supreme Court (SC) dang, taküm September ita tashi nung State Bank of India densema bank tem nem sentsüh crore 6903 nungi crore 4000 agütsütsü atema shidi ka ajanga mepishiogo.

Mallya aser Kingfisher Airlines Ltd den külemi United Breweries (Holdings) Ltd aser Kingfisher Finvest (India) Ltd nungeri temepishibaji agütsü.

Iba dak sentakba nung Justices- Kurian Joseph aser R F Nariman nati akümba bench-i bank tem dang iba telangzübaji agütsütsü hopta ka mapang agütsüba den külemi maneni April 7 nü iba ken o angadangtsü atsülangogo.

Kingfisher aser Mallya atema jembitsür, senior advocate C S Vaidyanathan-i, tanü parnoki iba temepishibaji bank tem nema agütsüogo, ta metetdaktsü.

Ano bank tem atema okatsür senior advocate-ia, pai iba temepishibaji shisadangtsü aser iba sülen telangzüba agütsütsü, ta shiogo.

Taküm March 9 nü sorkari Supreme Court dang, Bank balala nem sentsüh crore 9,000 dak tema magütsüba atema Mallya anema ken o benoka lir, aser anogo ishika tejaklen pai India toktsür ogo, ta metetdaktja liasü.

Iba sülen SC bench-i Mallya dang bank temi benokba telangzübaji hopta ana tsüngda agütsütsüla, ta metetdakja liasü.

Attorney General-i mepishiba agizüka SC bench-i Mallya den pa indang official Rajya Sabha email ID, London nung Indian High Commission, high court balala nung pa atema okatsüsang, Debt Recovery Tribunal aser par company ajanga tongteprateptsü atema temelaba agüja liasü.

SBI dak alia SC nung temepishiba agütsür bank rongnung- Axis Bank Limited, Bank of Baroda, Corporation Bank, Federal Bank Limited, IDBI Bank Limited, Indian Overseas Bank, Jammu & Kashmir Bank Limited, Punjab & Sind Bank, Punjab National Bank, State Bank of Mysore, UCO Bank aser United Bank of India tem lir.