Mallya-i Kingfisher Airlines nung inyakertem nem sen agütsütsü

Mumbai, March 21 (Agencies): Shishilembar tetsüdi, Vijay Mallya aser pa indang adviser temi Kingfisher Airlines nung inyakertem nem sen agütsütsü atema inyakdar, ta osang angazüker.

2012 küm Kingfisher tayimtsü senzüba anena liasü aser yangji inyaker timba ka nem sen magütsüi lir, ajisüaka Mallya bo sen jenti intoka party agüja aruba den cricket team aser Formula 1 team alizüker.

Mallya-i India nung pa tenüngmenük alibaji kümzüktsü meranger, ta pa den anasatepa alir kati shiogo.

Kasa osang ajanga, “Pa dang linük toktsür ajener ka, ta ajabaji pai manganür aser pai paji nisung ashioktsürtem den kasa memedemdangdaktsüner, anungji pai Bank tem den jembiba sülen pai koba mapang nungsa linük semdangnüdir sadoksadoka semdangtsü atema inyakner,” ta ashi.

Iba dak sentakba nung pa dangi email ka yokogo ajisüaka pai telangzüba agüja mali.

India nung Bank temi Mallya dang nungi sentsüh crore 9,000 temeshitak lir.