MALT-i Arrenpong Sports Fest akatsü ayonger

Dimapur, Luchii/December 3 (TYO): Mokokchung District Sports Council kübok Mopungchuket Ait Laishir Telungjem (MALT)-i achaayanga mezüngbuba Arrenpong Sports Fest Yimli Ground, Mopungchuket nung akatsü. Arrenpong Sports Fest 2018 ya Luchii/Dec 18 nü akatsü, kong Fastest Bowler Competition, Sand Volleyball Championship, Futsal Championship aser Mopungchuket Cross Country Run asayatem asayatsü.
Fastest Bowler Competition ya title ana: Mokokchung’s Fastest Bowler aser Arrenpong Open Fastest Bowler atema tokteptsü, kong Mokokchung District Cricket Association (MDCA) associate partners aser Indian Fast Bowlers Foundation technical partners asütsü.
Sand Volleyball Championship (tebur) aser Futsal Championship (tebur) ya open asütsü aser iba asaya nung shilem agitsü jangraba telok ajaki shilem agitettsü, koba knock-out basis nung asayatsü. Ajisüaka mezüng züngoksemba team 16 dang iba asaya nung shilem agidaktsütsü. Sand Volleyball Championship ya FIDV Beach Volleyball temzüng kübok MDVA nungi referee tejentemi achaayangtsü aser Futsal Championship ya FIFA Futsal temzüng kübok MDFA referee temi achaayanga asayatsü.
Mopungchuket Cross Country Run ya-a open asütsü aser tejangrar ajaki shilem agitettsü. Iba asaya IAAF Cross Country Running conventions kübok asayatsü aser Adventure and Motorsports Association Mokokchung (AMAM) pur technical partner asütsü.
Arrenpong Sports Fest ya lokti tsüngda tesendaktep aser sports tourism ajungkettsü nükjidong nung ayonger.
Iba asaya anogo nung shilem agitsü aoshi registration form tem Obsession Sports store (main Post Office, Mokokchung Town anasa) nungi angutsü. Form agütsütsü asoshi tatembangbuba anogoji Luchii/Dec 10, 2018 asütsü. Osang tejangjba agitsü asoshi tejangrartemi iba number; 8837323230 nung tongteprateptettsü. Asaya akokertem nem senpet den customized medal, aser kuli kaket agütsütsü, ta MALT tir Akumyanger Lemtur aser MALT, General Secretary, Rongsentsula Lemtur nati sangdong ka ajanga metetdaktsü.