MALT-i Mangkolemba nung PHED SDO agientsü akanger

Dimapur, August 23 (TYO) : Mongkolemba nung PHED SDO küm asem tashi mapai shitak marur, iba jagi department mapa nung tamakok aika lir aser nübortem timatemer, anungji yaktasa Mangkolemba nungi PHED SDO Tinu Longchar odakjang aser pa melen tanga ka yokang ta Mangkolemba Ao Lanur Telongjem (MALT)-i Public Health Engineering Department nung Chief Engineer nem takangba ka agütsüogo.
Iba timtemji shia Executive Engineer, PHED Mokokchung nem June 17, 2016 nü tezüluba nung agütsüogo saka tang tashi kecha telangzüba tajung ka mali, iba jagi ketdangsertemi nübortem timtemba hau ta bilema maliba jakla sayur ta MALT-isa mepelaba o ka metetdaktsü.
Parnokisa PHED Chief Engineer dang September 30, 2016 tashi nung tang aliba Mangkolemba SDO-j tangaleni yokang aser pa melena tanga ketdangser tajung ka yokang ta takangba ka agütsüogo.