MALT-i Volleyball Tournament ayonger

Mangkolemba, October 29 (TYO): Mangkolemba Sub-Division Inter Range Volleyball Tournament taruba November ita 3-4 nü tashi Mangkolemba jila nung asayatsü asoshi Mangkolemba Ao Lanur Telongjem (MALT)-i ayongogo.
Mangkolemba Additional Deputy Commissioner Headquarter kümer küm 25 abensaba Silver Jubilee benjungmong taküm December ita agitsü sentong lir aser iba benjung den sentaktepa, MALT-i tan volleyball asayamongji ayongba osang angazükogo.
Asayamong lapokba sentong nung tongti tesemdanger asütsü atema Director, Industries & Commerce Department, Nagaland Bendangliba Tzüdir jaoka lir.
Anüngdang aser aonung naprong nung asayatsü renemba asayamong nung Jangpetkong aser Japukong na nungi telok anana, Tsürangkong nungi telok 1 aser Mangkolemba nungi telok 3 densema, ajak agi asaya telok 8-i shilem agitsü renema lir.