“Mamangertem den süngra mesütepi külemi teputep” – 2 Kor. 6:14

Satiba masüngteti aliba ajanga kibong lanu aika nung teraksa adoker. Satibaji süngra ka lir. Süngra mesütepi külemi aputsü Laishibai memelar (2 Kor. 6:14). “Nai nashi ka aser gado ka külemi alu meladaktsütsüla” (Tazüng. 22:10).
Tejen aser Tasen Lai anapronglai mamanger den sati masütsüla ta aitsür. Temeshi metsü mamanger den meyoktepba dangji ozüng raksaba aibelenba ta ajar (Ezra 9:1-6). Amitsüra mamanger den satitsü memelar. “Kinüngbo süra lai shiba dangi onüdir, la mulung, saka Kibuba dak amanger rongnung dang la keyi odakjang” (1 Kor. 7:39).
Tsüraburi mamanger den alitsü shiaka, kechi kuli südir süang nai aji magizüktsüla. Tsürabur dang tashi angabajia Kibuba nung asütsüla (Ef. 6:1). Na mamanger ka den meimtepa lir, nüdongji tamanger maküm tashi temeimtep. Sati asütsü atema dang batiptsübaji kümdangang!
Karbo kibong kümer külen amangtsü akok. Saka iba nungi ochibaji madoktsü akok. Laishibai ashir, “O kinüngtsü, nai kinüngbo kümzüktsü asü masü, nai koda metet? Mesüra, O kinüngbo, nai kinüngtsü kümzüktsü asü masü, nai koda metet?” (1 Kor. 7:17). Satibaji kanga kümdanga agitsüba mapa lir. Nai aibelena mamanger kati sati sür lira, nai pa/la tekümtet asoshi sarasademtsütsüba dak alema tang kecha inyaktsü makok.
Kibong asüngtetta maliba jagi tarutsü putu raksa ta metetta Khristan ministertemi ibai kanga nendaka angatetdaktsütsü tenüngdaktsü. India nunger sobaliba nung tanga tamang yimsü pur ka den satira pa/la par telok nungi jentoker. Arogoi itemji junga anepalutsüla aser yaritsüla.