Mamata Banerjee-i anogo pongunü Bhutan semdanger

Kolkata, October 05 (Agencies): Tanü West Bengal Chief Minister, Mamata Banerjee Bhutan semdangtsü atema apusoa ogo, aser lai iba linük anogo pongunü semdangba mapang par lenirtem den ajuruteptsü aser shishilembabaren senden ka nung adentsü, ta osang ka ajanga ashi.

Banerjee den la meina West Bengal Housing Minister aser Sports In-charge, Arup Biswas, Chief Secretary Sanjay Mitra aser Transport Secretary Alapan Bandyopadhyay nungera ogo.

Bhutan linük semdanger züngsem 15 rongnung timbaka Industrialist tem lir.

Laisa Bhutan Ato kilonser, Lyonchhen Tshering Tobgay aser Economic Affairs Minister, Lyonpo Norbu Wangchuk nunger den senden amentsü, ta anogo ishika tejaklen metetdakja liasü.

Ano October 6 nü WB Chief minister-i Bhutan Chuba-a ajurua senden ka amentsü.

Lai iba linük semdangba mapang nungsa Hotel Taj Tashi nung Bengali chiyungtsü benjung ka ayongzüktsü.

Bhutan semdanger züngsem nung Alipurduar aser Jalpaiguri nung nungi district magistrates ana densema lir.