Mamata-i nütsüng shilem 28 atema dang bilemer: BJP

New Delhi, January 29 (Agencies): West Bengal nung Trinamool Congress (TMC) sorkari Muslim nunger atema dang inyaker ta aija tanü BJP-i, state Chief Minister Mamata Banerjee-i vote agütsür shilem 28 atema dang bilemtsür, ta aitsü.
Tanü BJP-i state sorkar dang tasüngdangba onük 10 agütsüogo.
Osangbenertem senden ka nung BJP national secretary aser Bengal co-incharge, Sidharth Nath Singh-i, TMC sorkari metetsümonga Moharram (Muslim nunger benjung) aliba ajanga Durga (Hindu nunger tsüngrem) tzü nung inoktsütsü anogo atsülangja liasü, ta ashi.
“Nai (Banerjee) Bengal nung vote agütsürtem shilem 28 dang lir ta bilemer. Maharram tasügnü aliba ajanga kechiba Durga tsüngtrem tzüÜ nung inoktsütsü atema angoo asem atsülangtsü(?),” ta BJP leniri asüngdang.
“Kechiba Khagragadh nungi Birbhum tashi aser Malda tashi, bomb yangluba, sen taila amshiba, rara adokdaktsüba aser tetsürtem anema inyakertemji TMC nung inyaker aser pusemertem dang(?),” ta Singh-isa asüngdang.
“November ita nung ISI agent asem apu. Parnok rongnung ka, Ashfaque Ansari ji TMC lenir liasü. Kechiba ner ketdangsüba ajanga linük security jenjang majungtsüsa inyaker,” ta paisa asüngdangogo.

You must be logged in to post a comment Login