Mamata-i tanur shibelenba azüoktsü tuyur

Jalpaiguri, March 28 (Agencies) : Jalpaiguri district aser tangalen tanur shibelenba mapa inyaker ta onük adokba atema West Bengal Chief Minister Mamata Banerjee-i süoki ia bilemba osang metetdaktsüogo.
Mongulbarnü Mamata-i state nung tanurtem anepalutsü atema lapokba tesem ajak mita reprangtsü ta ashi.
Tan ita tetenzüklen Jalpaiguri nung tanur shibelenba atema tai tonglokja District Child Protection officer aser child welfare committee züngsem ka apu. Iba ken o nungsa BJP lennir ka pua lir.
Iba onük ya Criminal Investigation Department (CID) ajanga bushisüngdanger.
Tanü Jalpaiguri district nung administrative meeting ka amendang, chief minister-i ketdangsertem dang kinü tanurtem yokdokba indang tesemtem jungjunga mita reprangtsü tetuyuba agütsü.
Laisa, Gajoldoba nung tourist facility yangluba den yariteptsü atema overbridge 4 tasen yanglutsü indang osang metetdaktsü.
Overbridge pezüji Udlabari, Lataguri, Mainaguri aser Jalpaiguri nung yanglutsü, ta Mamata-isa shisem.
Laisa ashiba agi, Jalpaiguri Sadar Hospital ji medical college ka ama jenjang ajungkettsü aser tang yipden 1,200 aliba nung 550 bendenloktsü.