Mamata-i WB nung democracy raksatsütsü meranger: PM Modi

New Delhi, February 02 (Agencies): Tanü Ato kilonser, Narendra Modi-i, TMC tongti aser West Bengal Chief Minister, Mamata Banerjee-i democracy raksatsütsü meranga taoba Communist sorkar lenmang nung jajar; taoba mapang nung takok mangu, aser tang-a takok mangutsü ta lai metettsüla, ta ashi.
Tanü Industrial jila, Durgapur nung BJP pur rally ka nung jembidang Modi-i, tesüiba küm pezü ser tesadang nung Centre sorkari state nung sen crore 90,000 indang infrastructure projects agizükogo, ajisüaka TMC sorkari itemji inyaktsü mejangrar, kechiyong parnoki “syndicate” atema shilem ka aginü, ta ashi.
“TMC-i syndicate atema shilem maliba terenlok project tem meinyakner,” ta pai ashi.
Ato kilonserisa, TMC-i West Bengal nung middle class pur nükjidongtem mataloktsüner, ta aitsü. TMC nung inyakertem den tensa tamajung mapang nung tasü aitba atema BJP nung inyakertem nem tenüngsang agüja Modi-i, parnoki tenla agutsübaji amajok masutsü, kechiyong TMC sorkar anogotem züngdangteta dang lir, ta ashi.