Mamata-ia 1977 küm Indira-i ajangshiba tensa ajangshitsü: Sushma Swaraj

Durgapur (WB), April 03 (Agencies) : Tan election nung Mamta tetsüngda aika madoktsü, ta Deobarnü External Affairs Minister Sushma Swaraj-i West Bengal nung tang tensa aser Delhi nung 1977 küm ajangshiba tensa na medemdanga, tesüiba mapang Ato Kilonser Indira Gandhi-i ajangshiba tensa ajangshitsü ashi.
Swaraj-isa, West Bengal nung TMC sorkarji teraksa bener arur den saku kümogo aser tan Kolkata yimti nung flyover ka chirepba ajanga TMC sorkar teraksa nung asonga aliba temai adoka sayur, ta ashi.
“1977 küm India nüburtemi ajem ajema lir mapa agiang sayu. Iba küm general election nung Indira Gandhi-i tetsüngda tulu ka agi tamakok angu. Iba kasaji West Bengal nunga Mamta-i ajangshitsü,” ta Swaraj-i election senden ka nung ashi.
“Mamata Banerjee-i aniba sorkar pusemerji Saradha aser Narada nungang lir. TMC sorkar ya teraksa (bhrashtachar) den nüngjem kümogo,” ta BJP lenir jagi ashi.
Lai, “Mamata power nung maliba mapang Delhi-i arua linük lenirtem dang par telok CPI(M) telok nungi kümzüktsü ashi,” ta shisem.
“Ajisüaka Mamta power-i aruba sülen la kanga melenshi aser lar teloki BJP züngsem merenshiba mapanga lai ola madoki toktsü,” ta Swaraj-i ashi.
Tan election nung tokteptsü atema district nung BJP candidate 10-i tenüng agütsüogo.