Mamata’er TMC-i Tripura nung Left sorkar anema mapa inyaktsü

Agartala, June 12 (Agencies) : Taruba ita nungi Mamata Banerjee-i anir Trinamool Congress (TMC)-i Tripura nung Left Front sorkar anema mapa inyaktsü, ta party lennirtemi Deobarnü metetdaktsü.
“Taruba ita tetenzüklen Didi (Mamata Banerjee)-i Tripura semdangtsü aser Left Front sorkar anema mapa tulu ka tenzüktsütsü” ta TMC Tripura unit chairman, Ratan Chakraborty-i osangbener dang ashi.
June 7, 2016 nü TMC nung adenba Congress MLA 6 lia Chakraborty-isa ashiba agi, “Onoki assembly booth 3000 den tema nung party unit tentettsü aser takhangba onük 11 atema state ajungalen lungkak aitba sentong agitsü.”