Mamatettsü

 –  Tali  Imdonger.

Kechiang mesayang kümogo
Ajemalu, taremzük
Kongro IMLIBENLA,
Ne olasü kechi den metemdangtsü?
Matatet südi, Kotakeri;
Ne nübu nükmia.

Saka anojungi,
Mamangseter;
Kotaker kenten rongnung atentsü,
Shibai ne nüngteta aja?
Akümlir mulung korema yutsür
Satema nabo ogo na?

Tsüngküm sütepa, ne arishi.
Jangjang Loyang kenten dang,
Nabo par den matongsemi,
Anjung tenari nung;
Ne jak bushir, yarem süia.

Solir washidaktsüla,
Watidak benjungnü na maden,
Terongjen mulungi ata-aka,
Ne jak meyimpangdang,
Süoki meyi-i medemsor kinünger,
Wadangji temogo, akümli,
Bilemtettsü mesüliwa.