Mamatzü agi yanguba chiyungtsütem ajanga teret tashi aiter

Rongchii (April) 07, 2018: Mamatzü den mamatzü agi yangluba- yogurt aser cheese achiba ajanga teret tashi aiter aser tongtiret tashi itdaktsür, ta study tasen ka ajanga bushitetogo.
Mamatzü agi yangluba chiyungtsütem achiba ajanga talisa arishi küm 50 dak temapur teburtem kanga tajangzük angur, ta research agir telok kati metetdaktsü.
US nung aliba Institute for Ageing Research nungi Indian origin, Shivani Sahni-i, “Mamatzü agi yangluba chiyungtsütem den sendaktepa iba study ya bone measures- quantitative computed tomography (QCT) lir, aser ibaji khenyongi alaka, kechiyong
Ibaji ajanga bone geometry aser compartment-specific bone density osang agutsür, aser ibaji ajanga teret tashi asadangteter,” ta metetdaktsü.
Iba study agidang research agirtemi arishi küm 32-81 tsüngdapur tebur 1,522 aser tetsür 1,104 tendanga liasü.
“Iba study ajanga mamatzü agi yangluba chiyungtsütem ajanga teret ajangzükdaktsüba bushiteter, aser nisungtem serum vitamin D jenjang balala süaka ajak ajangzüker,” ta kasa study ajanga metetdaktsü.
Iba study ya Journal of Bone & Mineral Density nung publish süogo.