Mamazü nungi tajangzük kar

Nisung ajaki mamazü kanga dang sapua achir. Ano, mamazü machirtemia iba süngjang nungi agizükba tzü ajemer. Nisung shiai pei taküm anema alitsü atema anogoshi mamazü nungi agizükba tzü marok ka ajem nung kanga dang tajungzük angutsü.
Mamazü tzü ajemba ajanga tajangzük anguba kar itemi lir:
Nisung tekep tajungba kümdaktsür: Anogo shia mamazü tzü ajembaji nisung teküp atema kanga dang tajung. Mamazü nung densemba papain-i nisung teküp indang shilem tamajung indoktsür aser ibaji ajanga teküpji tali tesangwaba kümdaktsür. Ano, mamazü tzü anüba ajanga teküp dak sentakba tashidak balala tajungba kümdaktsür.
Cancer tashidak agi shiranger yarir: Nisung nem tasüba lendong bener arutsüba cancer tashidak, talisa, dar cancer agi shirangertem atema mamazü tzü ya kanga dang tajung lir. Mamazü nung fibre talubosa lir aser iba jagi dar nung cancer tashidak adoktsüba miim toxins amokbanga dar nung cancer tashidak adoktsüren nokdanger.
Tebok junga odaktsür: Mamazü tzü nung fibre talubosa aliba ajanga iba tzü ajemertemi tepoka junga aoer.
High Blood Pressure ajemtsür: High blood pressure alirtem atema mamazü tzü ya kanga dang tajung lir. Iba tzü ajemba ajanga stroke lendong nungia aiben jenbodaktsür. Nisung tezü nung jajaba azü agi adoktsüba pressure-a mamazü tzüji tajemba kümdaktsür.
(Source – Internet)