Manchester City-i Bournemouth madak takok angu

Bournemouth, August 26 (Agencies): Raheem Sterling-i minute 97buba nung takok goal agütsü aser asayadak nungi yoka Honibarnü Premier League nung par telok, Manchester City-i Bournemouth madak 2-1 agi akok.
Telok ana tsüngda asaya tenzüker minute 13buba nung Bournemouth telok nungi Charlie Daniels-i goal ka agütsütet.
Saka minute ti lir David Silva-i goal ka agütsüteta telok ana tsüngda goal kasasa aküm, saka Sterling-i asaya mapang apuloktsüba nung metsüba goal ya Bournemouth telok nungi Andrew Surman dak tsükdaker ai.
Hombarnü Everton den asayaba mapang City nungi Sterling-i asaya tatemtsü anasa goal ka agütsütetba ajanga telok ana tsüngda goal 1-1 nung asaya tembanga liasü aser pai Bournemouth den asayadang goal agütsür asayadak moapu alema oa pelaba ajanga referee Mike Dean-i tanabuba yellow card pa nem agütsü.
Bournemouth ya iba season nung ano mezüng points monguteti lir.
Iba asaya nung Pep Guardiola-i Sergio Aguero ya masayadaktsü aser pa tejak shimaker Guardiola sülen amen.
Left-back nung asayar Benjamin Mendy ya Monaco nungi sen million $67 agi anir aruba sülen Bournemouth den mezüng asaya.
Bournemouth telok nungi Jermain Defoe-i goal ka agütsütsü maongka angu, saka pai metsüba ball ya City pur indang goal keeper-i mela-mela apu.