Manchester United alima nung jenjang tasaktiba football club kümogo

June 7, 2017 (Agencies): Manchester United puri European champion Real Madrid melenzüka alima nung jenjang tasaktiba football team kümogo, ta osang ka ajanga Mongolbarnü metetdaktsü.
United pur jenjangji billion $3.69 lir koba yaküm den medemdangra shilem 11 agi timba lir. Iba ya team indang brand aser marketing ajanga lir, ta kasa osang ajanga metetdaktsü.
Football team jenjang sükdangba nung United sülen Barcelona tanabuba jenjang nung lir. Parnok jenjangji billion $3.64 lir aser iba sülen küm pezü tashi temaba jenjang nung aliba Real Madrid team tasembuba jenjang nung lir. Parnok jenjang billion 3.58 lir.
Club jenjang sükdangba nung temaba pongu nung Bayern Munich ($2.71 billion) pezübuba aser Manchester City (2.08 billion) pungobuba ta alitsü.
United aser City den külemi club jenjeng sükdangba nung Premier League nungi team 6 lir, item rongnung Arsenal ($1.93 billion), Chelsea ($1.85 billion) Liverpool ($1.49 billion) aser Tottenham Hotspur ($1.06 billion) ta alitsü.
Osang ajangasa ashiba agi, temaba jenjang nung aliba team 20 jenjang yaküm dang nungi shilem 3 agi timba küma billion $1.48 lir.