Manchester United FA Cup Quarterfinal tongogo

London, February 23 (Agencies): Manchester United teloki goal 3-0 agi Shrewsbury telok madak madak takok gnua FA Cup quarterfinal asayatsü jenjang yashi, Hombar nü nguogo.
Chris Smalling, Juan Mata aser Jesse Lingard nungeri par United telok asoshi takokba goal 3-ji agütsüba sülen par teloki West Ham United telok den quarterfinal asayatsü jenjang ajangzük.
Taoba asaya 2 nung Sunderland aser FC Midtjylland telok na nem takok ngudaktsür, United teloki yashi asaya tenzüker minute 37 buba nung 1 buba goal agüja par telok temaba jenjang angu.
Smalling-i 1 buba goal agütsüba sülen Mata-i free kick metsütsü maongka ngua asaya mezüngbuba shilem tembangtsü mapang nung par United telok asoshi 2 buba goal agütsü.
Tesülen, asaya tenzüker minute 61 buba nung Ander Herrera-i yanglutsüba cross ball agizüka, Lingard-i par telok asoshi tasembuba aser takokba goal agütsü.
Yashi asaya nung substitute asayar 3 prongla asayadaki yokba sülen Will Keane yiruba yong manager, Louis van Gaal-i aniba United telok asayar 10-i dang asaya tembanga asaya liasü.

You must be logged in to post a comment Login