Manchester United puri Mourinho dak temolung alemer

London, August 8 (Agencies): Manchester United nung mezüngküm temolungsüa inyaker manager, Jose Mourinho-i 2017-18 season nung tajungba anitsü asoshi merangtsü.

Mourinho-i anir United puri taoba season nung League Cup aser Europa League koka liasü koba ajanga parnok EPL nung jenjang trokbuba nung tembangaka Champions League nung shilem agitsü asoshi maongka ngu ogo.

Pa taoba mapang shilem agi aruba nung club pongu den season tanabubanung takok anguba nguogo. Club temji; Porto, Chelsea (anaben), Inter Milan aser Real Madrid lir. Iba season nung pai aniba teloki

tetoktepba tajung agütsütsü imlar.

“Onoki koktettsü na? auh onoki koktettsü saka makoktsüa akok,” ta Mourinho-i ESPN interview ka nung tawa ashi.

“Ajak tashiita junga dang lir, saka tanga club tem kar kanga tashitait lir, anungji akoktsü asoshi tasak asütsü. “Yimya agi tanabuba season ji mezüngbuba dang nungi tajungba asütsüla, kechiyong nai club meteta lir, asayar meteta lir aser asayartemi na meteta lir.

“Ajisüaka iba ya modern football lir aser ajak atema kanga tasak kümogo,” ta Mourinho-i ashi.

United pur asayar tasen aniokba ajak Mourinho-i asayanüa bilemba sentong nung aniokogo. Pai aso ajen tajung dang bushia iba season nung asayartem anioka lir.

Centre-back Victor Lindelof, midfielder Nemanja Matic aser striker Romelu Lukaku ta par asemprongla feet trok dak tema dang lir aser iba ajanga Tony Pulis-i aniba West Bromwich Albion sülenbo United pur

tallest squad jenjang tanabuba nung lir.