Mandi nung anentsüh lendong nung nisung 7 asü

Mandi (Himachal Pradesh), August 13 (Agencies): Honibarnü Himachal Pradesh, Mandi nung anentsüh lendong atalokba sülen tang tashi nung asürtem tenet jungogo, nisung trok yirua lir aser nisung 10 dak tema samaogo.
Tang tashi nung nisung pongu kümzükogo aser yirua alirtemji anasa aliba hospital kati anir oa yaridar.
Osangbener den jembidang Mandi Deputy Commissioner, Sandeep Kadam-i iba lendong nung ano nisung ana süogo, ta metetdaktsü.
Kasa lendong atalokdang bus kata metre 800 shi lenküboki lua tsükok aser anentsüh aluba jana nungi nisung pezübo kümogo, ta paisa metetdaktsü.
“Tzünglu ajanga kümzükba maparen nung tetsükdaktsü agütsür, iba yongji police aser home guard-i kümzükba maparen junga meinyakteter,” ta Kadam-isa shisem.