Mandy Moore aser Ryan Adams na balaogo

Los Angeles, June 23, 2016 : Mandy Moore aser Ryan Adams na kibong kümer küm trok nung balaogo.

Moore aser “Come pick me up” ken ajanga kanga nüngtugu akümsang, Adams na ita 17 tashi kanga atsütepa aruba sülen tanü official süa balaogo, ta Bodhbarnü tmz.com osang ajanga metetdaktsü.

Tena indang rongsen ajak tena teyongi lemdangtsü, ta court nung zülutepogo.

Moore-i tena meyong Beverly Hills aser Griffith Park, California nung aliba kitem la aginer. Iba den külemi lai 2012 Toyota Prius 00, gari-a aginer.

Ryan Adams-i 2008 Porsche Carrera aser 1959 Cadillac garitem pa aginer.

Adams-i pa meyong comic kakettem, pinball machine tem aser tena meyong bank account tenet prong ayutsü.

Arishi küm 32 tain, kentener Moore, tena telidak ki agitsü ajisüaka yangji aliba osettem tiyongi lemdangtsü mulungtepogo.

2009 March ita Savannah, Georgia nung kibong akümba sülen küm trok buba nung Adams den balatsü ken o ya Moore-i 2015, January ita nung court nung benoka liasü.