Mandy Moore-i India semdanger; Bihar nung ‘litti chokha’ chidang

Lucknow/New Delhi, September 9 (Agencies) : America nunger kentener aser actress Mandy Moore-i India semdangdang Bihar nung ‘litti chokha’ chiyungtsü achiba sülen ‘Yum’ ta ola adok.

Mandy Moore-i ‘A Walk To Remember’ aser ‘Tangled’ film tem nung shilem agiba atema tetshir aser la September 5 nü New Delhi tonga aruba sülen India tesem balala sema senzür.

Lai Patna semdangdang, nisung takümtem kümzüktsü atema metsümeshidak yanglutsü, tetsürtem anema tashiyim mapa inyakba azüoktsü aser local entrepreneurs yaritsü atema tesayubatem agütsü.

Delhi nung lai “tourist” ama senzü aser Rashtrapati Bhavan anasa noktaker noka agi. Iba sülen lai Twitter nung “Delhi nung @mbopaiah aser @MarshallPSI na den tourist ama senzür” ta metetdaktsü.

Mandy ya NGO Population Services International (PSI) atema goodwill ambassador lir aser India nung Gender Based Violence (GBV) Programme Project Wajood den yariteptsü atema India-i aru.

“Yum! Bihari nungher chiyungtsü tajung #littichokha kanga junger” ta laisa Twitter ajanga metetdaktsü.

“Bihar sorkari pelashishia agizükba atema pelar. Kanga pelar India, Bihar” ta laisa shisem.

Mandy Moore-i Uttar Pradesh yimtiba Lucknow semdang aser idakji family planning product products & services nungertem indnag mapa inyakba reprang.