Mandy Moore-i Taylor Goldsmith den meimteper

Los Angeles, July 27 (Agencies) : Actress Mandy Moore aser Dawes kentener Taylor Goldsmith na meimteper ta osang angazüker.

Taküm January ita Mandy-i kentener Ryan Adams den bala. Tena kibong kümer küm trok ajungtsü hopta ishika dang lia tena bala.

Mandy-i tang rock kentener Goldsmith den meimteper aser lai Instagram nung tena Scrabble asayadang agiba noksa ka sayu, ta Us magazine ajanga metetdaktsüogo.

Taoba mapang la aiben Dawes kentenba sentong aika nung denogo aser tan ita tetenzüklen Dawes pur kenten sentong ka agiba noksa aika lai sayu.

Adams den kibong makümdang Mandy Moore-i tennis asayar Andy Roddick aser Scrubs actor Zach Braff na den meimtepa liasü.