Mangkolemba aser Alongkima Block atema ASHA Training agi

Dimapur, September 2 (TYO) : August 24 nungi 28 tashi Mangkolemba Block 1 & 2 aser Alongkima Block atema ASHA Training on Module 6 & 7 agiogo.
Iba sentong ya Town Hall, Mangkolemba nung agi aser shisalen sayurtemji Dr. Akum Jamir, SMO, CHC Mangkolemba, Dr. Arenkaba (MHT) MO, IMDH, Mokokchung aser Block ASHA Coordinators (BAC) asem – Talirenla, Rebecca o Talitila nungertem liasü.
Iba training ya “Violence Against Women” omen nung ajemdaker agi aser iba mapang training nung adenertem dang ASHA-i tetsürtem anema inyakba onük asoshi mapa inyakbatem metetdaktsü.
Training nungsa Dr. Akum Jamir-i Non-Communicable Disease (NCD), Rashtriya Kishor Swasthya Karyakram (RKSK), Tuberculosis aser Malaria nungertem indang temetettsütem lemsatep.
Iba training agidang Chubala, State ASHA Nodal Officer aser Abeni, MCTS Consultant natia semdanga liasü.