Mangkolemba: Inter Range Volleyball asayamong tembangogo

Mangkolemba Sub-Division Inter Range Volleyball Tournament shibangba sentong nung tetushi tesemdanger, JYO B telok (Nokdaka alir), LVC telok (Mena alir) aser asayamong tayongertemi agiba arok noksa ka yangi angur. (Mangkolemba, November 09)

Mangkolemba, November 09 (TYO): Japukong Youth Organization (JYO) ‘B’ teloki final asaya koka, Mangkolemba Sub-Division Inter Range Volleyball Tournament champions kümogo.
Mangkolemba ADC Headquarter kümer küm 25 abensaba nüngtem nung Mangkolemba Ao Lanur Telongjem (MALT)-i ayongba asayamong final nung JYO’B’ teloki Luyong Village Council (LVC) telok tsükdaktsü.
JYO’B’ teloki takok marok den kulikaket o senpet sen 30,000 agizük aser LVC telokia senpet sen 20,000 agizüka liasü.
Individual shilem nung ADC telok nungi Moatemjen-i Player of the Tournament; JYO’B’ telok nungi Toshiyanger-i Best Setter aser LVC asayar, Limatanget-i Spiker sempet/senpet agizük.
“Asayartemi tanü putu den tapet taküm aliba ajanga parnoki tarutsü anogotem nung takok ngutettsü,” ta asayamong shibangba sentong nung tetushi tesemdanger, Chubatoshi, Executive Engineer, National Highway, Mokokchung Division, Nagaland-i asayartem ayongzük.