Mangkolemba jila nung BJP Unit office tentetogo

Mangkolemba, December 18 (TYO): December 17 nü Bharatiya Janata Party (BJP)-i Mangkolemba nung party wako songa unit office tentetogo, ta BJP Mangkolemba Unit Tir, Lanutemjen aser tongti tezülur, Lanulemba nati sangdong ka ajanga metetdaktsü.
Mangkolemba, Zero Point Area nung 29 Jangpetkong mandal Tir, Bendang Longkumer-i unit office tentetja liasü. Iba sentong nung party ketdangpurtem aser party nung inyakertem aden.
Iba sülen Town Hall nung sentong ka agidang Chairman, Finance & Development Committee BJP Nagaland, Temjen Imna Along-i, BJP-i India linük temzüng nung ajemdaker inyaker aser party-i tamangba yimsü kecha anema meinyaker, ta metetdaktsü.
BJP state Exe. Committee züngsem, Imjong Longkumer-i, BJP-i ochimashi anema rarar aser azükaru den terenlok atema kanga nendaka inyaker, ta metetdaktsü.
Iba sentong nung BJP züngsemtem aser temeimertem aika aden. Parnok rongnung Jaangshilong Gonmei, Gen Secretary, state BJP, Nungsang Lemtor, president BJP Mkg Dist., Lanuakum Walling, VP BJP Mkg Dist, Anungla, Gen Secretary, Mahila, BJP Mkg Dist., Bendang Longkumer, president, 29 Jangpetkong mandal, Mangkolemba Town Council züngsemtem den ward chairmen aser Gaonburas densema liasü.