Mangkolemba nung alu ayimtsü sayu

Dimapur, July 08 (TYO) : Mangkolemba nung taoba ita June 29 nü Agriculture department nung inyakertemi aluyimertem dang aonsutsü aser süngjanglijang lu ayimtsü asoshi sayuba sentong ka agiogo.
Iba sentong nung tesayurtemji Mangkolemba nung SDAO Wb. Imkongtemsü aser A.O Wb. Sünep Walling na liasü. Tenati aluyimertem dang menti, bengana, cardamom aser oil plum lu ayimtsü asoshi tesayuba agüja liasü. Parnokisa Integrated pest Management(IPM) SRI (System of Rice Intensification) indang tesayuba agütsü.
Mangkolemba nungsa kasa anogo nung MOVCDNER(Mission Organic Value Chain Development For North-Eastern Region) nung shilem agitsü asoshi tesayuba agüja liasü. Iba sentong nung shilem agir aluyimertem shia nem teyari indangindanga yoktsü asoshi bank account lapoktsü nüngdaktsü ta Chief Training Officer ,Wb.Senep walling,A.O-i metetdaktsü. Iba sentong nung yimtsüng tenet nungi aluyimertem dena liasü.
Ano, june 30 nüa Mangkolemba nungsa azüngken aser menti lu ayimtsü asoshi ATMA, Mangkolemba purtemi sentong ka ayongzüka katsüogo. Iba sentong nung aluyimer 20 arua aden.