Mangkolemba nung lanurtemi SDEO Office shibangtsü

Mangkolemba nung lanurtemi government dang tejashi marem SDEO office shibangtsüba angur

 Mangkolemba, Sept.29  (TYO):  Mangkolemba Sub-Divisional Edcation Office nung Head Assistant meyoktetba atema School Education department dang mepelaba sayua yashi September 28, 2016 nü Mangkolemba Ao Lanur Telongjem (MALT) teloki SDEO office shibangja liasü.

Iba office shibangtsüba sülen School Education Secretary, Sarah R Ritse tenüng nung Under Secretary, Imokoklai  government-i HA ji yoktsü ta nangzükba osang Mangkolemba ADC ajanga yokba sülen Addl. Deputy Commissioner (ADC), Sub Divisional Police Officer aser Mangkolemba Adhoc Town Committee nungertem den tezüngzüktepba ken o ka renema yur SDEO office-ji lapoktsü.

Iba ken o renemba ajanga MALT-i October 15, 2016 tashi longkak maiti atatsü lemtetogo. MALT teloki kasa office nung HA ya July 18, 2016tashi nung yokang ta takangba ka ADC, Mangkolemba ajanga Chief Secretary dangi yoka liasü.